P’ami, cinematography no tin regla, bo mester por kibra e reglanan y crea algo unico,” Ronney (38) ta bisa. C’un cantidad di premionan prestigioso den cinematografia gana for di 2016 en adelante, Ronney ta marcando pasonan grandi den e mundo di Cinematografia Internacional.
PERFIL
Naci y cria na Republica Dominicana, Ronney a lanta hungando baseball y basketball. Un dia un bisiña a yame pa yude c’un proyecto di filmacion cu e tabata haciendo na su cas y for di e tempo ey su pasion pa filmmaking a cuminsa. Pa e motibo aki, ora a yega momento pa bay studia, Ronney a scoge pa studia graphic design. “Mi tabata un studiante pesimo, mi no a siña mucho cos na universidad y ironicamente mi tabata hopi malo den les di computer.” Locual Ronney tabatin semper ta pasion. Cada trabou ta manera un wega e ta den dje di nobo. Apesar cu cierto trabou ta mas dificil cu otro y kisas ta rekeri mas tempo tambe, e solo hecho cu e ta algo cu publico ta bay wak ta hacie excitante pa Ronney.
Na 2011 Ronney a yega Aruba y a cuminsa traha na un canal di television. Pronto el a realisa cu e mester a tuma un “big step forward”. Asina el a cumpra su propio equipment poco poco y cuminsa traha short films. El a traha na 3 diferente lugar te cu awor na Aruba, cambiando di trabou cada cu e sinti cu e mester un desafio pa sigui crece.
Por lesa mas di Ronney su entrevista den nos edicion digital, tanto den Papiamento como na Ingles.
