E prome bez cu nan a topa otro, tabata cu Raghnall -Reggie- (38) como instructor di baile y Melitza, como su alumna. No a dura mucho cu Melitza a bira instructora di baile su mes banda di Reggie, y entre e tono y pasonan di musica riba pista na e scol di salsa Aruba Salsa Dance Company, nan a namora di otro y awor ya tin 8 aña casa.
Awendia, nan ta conoci como un pareha fuerte, cu a crece hunto y ta goza di nan bida entre trabou y calidad di tempo hunto. Facil e no tabata pero, contanto nan storia, nan ta demostra cu auto determinacion, disiciplina y amor, tur cos ta posibel.
OTRO INTERESNAN
Nos ta ‘entrepeneurs at heart’, y tin varios otro ideanan y negoshinan in the ‘pipeline’ cu nos lo kier cuminsa inverti tempo den nan. Reggie tambe ta involucra den politica y ta purba duna di su banda pa sigui mehora nos pais unda cu por.
CONSEHO
Inverti den bo felicidad. Si algo no ta bay bon, busca ayudo, busca ayudo profesional. Tuma tempo pa bo mes, zorg pa bo ta sinti bo mes bon prome cu tur cos. Tuma bo mental health na serio. No ta tur cos mester comparti cu otro hende of pone riba social media. Tin biaha laga e telefon un banda y enfoka riba bo pareha. No tene secreto di otro y purba di tin e liñanan di comunicacion semper habri y sea honesto pa cu otro.
Por lesa mas di Reggie & Melitza nan entrevista den nos edicion digital, tanto den Papiamento como na Ingles.
