Moises y su famia a yega Aruba ora cu e tabata tin apenas 6 aña. Un mundo nobo, cu promesa di un futuro miho cu nan tabata conoce na nan pais di origen, Republica Dominicana. “Tabata ami, mi ruman muhe, mi mama y mi tata. E soño di mi mayornan semper tabata pa nos tin un miho futuro, pa nos bay mihor scolnan y siña mas idioma. No tabata solamente un adaptacion na un cultura y idioma nobo, pero tambe na un estilo di bida cu ta diferente di unda e ta bin. Creciendo na Aruba, Moises a desaroya un pasion pa e mundo culinario.
Amor pa cushina
“For di chikito nos a custuma di ta den cushina y yuda nos mayornan. Mi mama mes tabata un banquet chef dus por bisa cu e ta un cultura den nos cas. Semper mi a gusta ta den cushina, yuda mi mama corta berdura y poco poco cushina tambe. Asina el a cuminsa crece den mi mas y mas cu a yega un tempo den mi infancia unda cu mi mayornan a separa y mi mester a bira mas independiente y cuminsa cushina pa mi mes. Mi a realisa cu mi echt gusta ta den cushina.” Asina, un soño a nace: e deseo di bira un chef reconoci.
Por lesa mas di Moises su entrevista den nos edicion digital, tanto den Papiamento como na Ingles.
