ACEPTA CU GRACIA E NO-nan Y SIGUI TRAHA RIBA E SI-nan
Imaginabo di hayabo diripente cu hopi situacionnan den bo bida ta cuminsa bay robes, un tras di otro. Asina tanto, cu bo bista ni bo mente por mira solucion. Pa agrega na e dificultadnan aki, bida ta tirabo un prueba mas grandi ainda cu perdida di un ser stima, bo ruman, den un forma cruel y cu ta laga hopi dolor y preguntanan atras. Con bo ta haci pa carga bo mes y sobrepasa e retonan duro aki di bida, cu a tocabo. Nos ta kere cu tur hende tin retonan diferente y kizas, compartiendo e storia di Nini Legend, abo pasando den esun di bo lo por haya precisamente e forsa ey, pa continua…
NINILEGEND.COM
Cu mi negoshi online, mi ta purba yega na mas tanto persona cu mi por siñandonan e principionan di probecha e mihor di nan mes, soña grandi, combiertiendo creencianan limita, lidia cu miedo, syndrome di impostor y e procrastinacion p’asina nan por alcansa nan metanan di mas halto.
Mi ta kere cu e secreto di exito, ta nunca give-up. No ta impora cuanto biaha bo cay of loke sea cu bida tira den bo direccion, bo ta bolbe lanta. No laga bida derota bo. Si bo por aplica e mentalidad corecto y accepta e dolor di un NO y no insisti demasiado riba dje, lo bo wak cu e SI lo yega bek na bo. Bida ta move y pasa hopi liher, bo no por ta sigui organisa fiesta di lastima constantemente. Bo mester tin confiansa, fe y determinacion solido manera un piedra, pa yega na e resultado desea. Seca e lagrimanan, stofia bo mes y pone bo mes bek den ‘action mode’. Haci un movecion, aunke kizas bo por tin miedo. E mihor reglo cu bo por dunam bo mes, ta di ta saludabel y ta e persona cu bo ta destina di ta.
Por lesa mas di Nini su entrevista den nos edicion digital, tanto den Papiamento como na Ingles.
