Si busca e definicion di lealtad lo haya cu e ta keda describi como e devocion of sentimiento na sea un persona, grupo, ideal, deber of causa cu por keda demostra den pensamento of accion. Awor, si nos pone nos bista riba Nick Gordon cu a crece y lanta den San Nicolas, awe hunto cu su casa Kedeesha manehando Kulture Café, ta mira e lealtad aki facilmente. Mas c’un cafe cu ta bende coffee, salada of bolo, e pareha a logra crea un experiencia exitoso cu tin como ingrediente principal, nan lealtad y amor pa San Nicolas, e descripcion perfecto pa ta nos Persona XCLSV 2022.
NICK
“Mi ta kere cu hopi hende cu no ta biba den San Nicolas no ta mira e movecionnan di tur loke ta pasando ‘kinan. Ta hopi cosnan positivo manera musica, arte, museo y mas ta pasando ki riba. Cu Kulture Café, nos pensamento semper tabata yega na e formula perfecto pa crea algo comun den San Nicolas. Pa esaki, tanto consistencia y calidad tabata primordial pa nos. E trato y atencion na cada un di nos guestnan ta hopi importante. Nos tabata sa cu unavez nos guestnan sinti bon serca nos, mas lo bin. Awendia nos clientenan ta bin di tur caminda. Nos clientenan corporativo a trece hopi grupo y mas negoshi pa nos. Tur cos ta cay bek na calidad y servicio. Esaki ta e elementonan cu nos a traha duro pa preservA den nos negoshi.
Por lesa mas di Nick su entrevista den nos edicion digital, tanto den Papiamento como na Ingles.
