Cu inicio di e di dos kwartaal di 2023, negoshi- y empresarionan ainda ta nabegando den e desafio y oportunidadnan di e mundo despues di pandemia. Qredits Aruba, e organisacion non-profit di microfinanza, a traha pa sostene empresarionan local y fortalece economia di nos isla mediante nan varios programa- y servicionan.
Den nos seccion di FLORIN, Branch Manager di Qredits Aruba, Nathaly Harms ta amplia riba iniciativanan recien y nan plannan pa futuro.
AGRI BUSINESS ACADEMY Y SU IMPACTO
Na Januari 2023, Qredits Aruba y Ministerio di Asuntonan Economico a introduci e prome AGRI Business Academy na Aruba pa fortalece entrepreneurship den e sector di Agricultura. E programa educacional aki ta pa fortalece “Entrepreneurship” den e sector di Agricultura na Aruba por medio di ofrece empresario nan cu kier cuminsa cu nan propio negoshi of cu tin nan negoshi caba den e sector di Agricultura. Por medio di e programa aki ta ofrece e participante nan e oportunidad pa expande nan conocemento y experiencia den e area di “Business Management”, specificamente relata na e industria aki.
Por lesa mas di Nathaly su entrevista den nos edicion digital, tanto den Papiamento como na Ingles.
