Min. Dangui Oduber: Awe den oranan di marduga un pashent di Covid-19 interna den Hospital lamentablemente a fayece. E pashent tabatin 79 aña. Contacto ta wordo tuma awor cu famia. Mas informacion no tin na e momento aki. Mas informacion lo por wordo duna den e conferencia di prensa di Gobierno di 2or di atardi.
Gobierno di Aruba a y ta haciendo tur lo posibel pa evita cu pashentnan di Covid-19 fayece, sinembargo no por a evita esaki.
Gobierno kier enfatisa un biaha mas con importante e ta pa tur hende tene nan mes na e instruccionnan di keda paden, y di laba man y mantene distancia di otro.
Gobierno di Aruba e ta extende palabra di condolencia y forsa na famianan di e fayecido.
Xclusivo Magazine tambe ta uni su mes na palabranan di sentido pesame na famia, amigonan di e fayecido y na henter Aruba. Dios Cuida nos tur!
