Michael Fowler, naci na Aruba, a tuma e mundo pa sorpresa cu su talento como ‘content creator’ Pero con e cambio di fotografo di bruid pa e mundo digital a tuma lugar? E viahe aki cuminsa ora cu su ruman muher a laga un camara atras ta unda Michael a cuminsa experimenta cu fotografia. Desde ey, el a bira un ‘content creator’ full-time, biaha pa diferente lugarnan y traha cu clientenan rond mundo. Den un entrevista cu Xclusivo Magazine, e ta comparti con tur cos a evoluciona y kico e ta mira pa futuro.
Prome cu pandemia, Michael tabata un fotografo di bruid mas tanto y creador di videonan comercial. Pero ora cu pandemia a ‘hit’, no tabatin actividad den ningun di e dos industrianan aki. Esey tabata e momento cu el a cuminsa experimenta cu TikTok y siña mas di kico ta un creador di contenido. El a haya un invitacion di Croes Brothers pa biaha cu nan y eynan el a mira pa su mes, e poder completo di un content creator y mercadeo di influencer. Desde ey, Michael a enfoka riba e psicologia tras di crea contenido. “Na e punto ey, mi a cuminsa crea contenido pa otro content creators, cual tabata un experiencia hopi ‘great’ p’ami pasobra mi por a traha cu influencer ainda mas prominente di otro pais,” e ta splica. “Den e biahe ey, mi por a experencia e anochinan den Cappadocia cu globonan di aire ta flota riba nos hotelnan, cu su cambernan for di $5,000-$50,000 pa anochi.”
Por lesa mas di Michael su entrevista den nos edicion digital, tanto den Papiamento como na Ingles.
