E noticia a circula caba tur caminda; E celebracion mas grandi di nos cultura lo bay door den 2022, djis riba otro fechanan cu normal.
E luna cu ta planea pa tene e parada mas grandi di carnaval lo ta Juli di e aña aki. Esaki ta e.o. e conclusionnan mas cla cu a keda comparti den media despues di un reunion entre SMAC y Bureau Rampenbestrijding Aruba. E siguiente paso ta un reunion cu Minister Xiomara Maduro. Den ki forma e carnaval of actividadnan rond di esaki lo tuma lugar, ainda no ta conoci.
Aña pasa, debi na cantidad di casonan di Covid na Aruba, a cancela carnaval 2021 y na inicio di e aña aki, a pensa cu mescos lo pasa atrobe. Sinembargo, mirando cu casonan a baha y gobierno mes a cuminsa flexibilisa medidanan, a hiba na e reunion aki pa toch organisa carnaval, pero riba otro fechanan mirando e tempo cortico pa organiza esaki den e prome lunanan di aña, manera ta custumber.
Tur aña miles di persona ta participa na Carnaval y e noticia aki, ta mustra di ta hayando un acceptacion grandi y ta duna indicacion cu normalidad, di un forma of otro, lo ta bek den cas.
