KEN E TA:

_{^{Mi ta un persona hopi introvert y solitario. Banda di un kring chikito di amistad y famia, mi gusta ta mi so. E motibo ta, e les cu bida a duna mi. Mane ta keda bisa, den temponan duro, eynan bo ta conoce ken ta bo hendenan. Y mi ta aprecia cada persona cu a keda den mi bida na e momentonan mas duro. Mi caracter ta trankil, claro mi sa rabia, pero nunca pa largo.}}

INSPIRACION

_{Na comienso tabata mi mama. Mi tabata yud’e muha mata, drecha mata. Despues ta Maureen Laaf Ras cu tabata e persona cu a motiva mi bek den plantacion. E reto mas grandi tabata pa keda tuma na serio. Mi a keda hari, yama pa loco y hopi palabranan cu por a kibra mi completo. Esaki tabata algo cu a haci hopi dolor y tabata demotivante.}

_{UN MOMENTO INOLVIDABEL DI INSPIRACION}

_{Un caso specifico ta den vakantie grandi, un mama a bin mi cas cu su yiu muhe chikito di 5 aña. E mucha a para observa cada blachi di e matanan, cuminsa compara e blachinan cu su man y brasa, e adernan di su curpa cu e xylum y phloem di e blachi. Ela haci mi hopi pregunta riba comparacion di mata y hende. Pa un mucha di 5 aña ta pensa asina desaroya den e area di biologia, mi ta kere cu e mucha ey, lo por yega leu si e haya e guia corecto. Un otro mucha muhe creciendo cu den futuro por inspira otro hende. Kizas nos prome nobel prize winner Arubiano.}

Por lesa mas di Ingela su entrevista den nos edicion digital, tanto den Papiamento como na Ingles.