Tur hende tin un storia diferente, hasta si nan condicion tin mesun nomber. Realidad ta cu di e diagnostico pa e tratamento, e impacto, lucha, caida y logro di un bida cu epilepsia, ta keda cambia di un persona pa otro. Esun di Helliene Henriquez (31) a cuminsa cu su 9 aña.
CONSEHO
“No bay panico ora un persona den bo cercania mester haya un atake. Keda cu e persona durante un atake, pone e persona di banda y no hinca nada den su boca. Yama ambulans si e atake dura mas cu 5 minuut. Trata e persona cu calma te ora e persona bin bek consciente y duna splicacion loke a sosode. Tampoco no husga of discrimina un persona pa tin e condicion di epilepsia. E condicion di epilepsia mes por tin efectonan riba un persona su bida psicologico y social. Duna un persona cu epilepsia e sosten cu e mester.
Pa e persona diagnostica cu epilepsia mi kier pa bo sa bo no ta bo so! Bo no mester tin berguensa di tin epilepsia. Cu instruccion di specialista bo tambe por sigui bo estudio, bo tambe por core auto, bo tambe por haci deporte ect. Epilepsia no ta limita bo pero mester adapta bo bida y siña scucha loke bo curpa y celebro ta bisa bo. Laga bo condicion stimula bo pa tin estilo di bida saludabel.
Por lesa mas di Helliene su entrevista den nos edicion digital, tanto den Papiamento como na Ingles.
