Apenas cu 24 aña, por referi na Federika Sydow como un mucha cu ya sa caba cu pa alcansa su metanan futuro, e tin cu ta consistente y inverti den su mes pa siña mas cu e por. Exactamente loke e ta bin ta haciendo desde un tempo caba.
PRIORIDADNAN PROME Y AWOR:
Mi prioridadnan principal a keda mescos; mi famia y mi bienestar. Kico si a cambia ta cu awo mi no ta depende di mi mayornan mas…ami tin cu lanta tur dia y bay traha. Ami ta cosechando e bida cu ami kier tin, independientemente. Esey ta e transicion mas grandi di ta un hoben pa un adulto. Awor mi ta pensa mas riba kico mi kier logra op de lange termijn.
E GOAL DIGGER:
E ta 100% e actitud con bo ta enfrenta bida. Si bo ta un persona perseverante cu no ta give up ora cu cos ta bira poco dificil, sigui traha riba bo goals y c’un actitud positivo! Exito ta ora cu bo ta disfruta di bo presente, mientras bo ta traha riba bo futuro. Y si bida ta tirabo un curveball, lean into it.
CONSEHO:
Mercadeo ta un area hopi diverso. Prome identifica den ki area di marketing bo lo kier specialisa den dje. Informa y lesa tocante e area aki, haci algun curso si mester y si e ta un area cu bo ta sinti identifica cune, bay pe! Si bo ta sinti pasion p’e, bo lo saca bo creatividad aden y ta hopi exitoso.
