Conta nos un poco di bo mes, na unda bo a lanta y for di ki tipo di famia y hogar bo ta bin?
Mi a lanta na Aruba na Pos Chikito, mi tin dos ruman un ruman muhe grandi, Abigail y un ruman chikito mucha homber, Cameron. Mi ta bin for di un famia humilde y uni. Semper mi mayornan a apoya nos cu e pasionan cu nos ta interesa den dje. Mi tata ta di Saba y mi mama di Aruba, dus desde chikito nos a biaha pa Saba pa bishita famia.
Kico, ademas di preparacion, ta haci e diferencia pa bo por yega lew den un certamen?
Bo mindset, con hopi bo kier algo y con duro bo ta traha pe.
Ken ta bo role model?
Mi mayornan sigur. Nan semper a haci hopi esfuerso pami y mi famia pa nos bay dilanti.
Bo mensahe pa cualkier otro hobennan cu lo kier participa den un certamen di beyesa?
Bay tras di bo soñonan, y no laga ningun hende bisabo cu bo no por, abo ta bo unico obstaculo.
