PERFIL
Derin (32) a nace na Istanbul Turkia pero desde su 4 aña, el a muda pa biba na St. Maarten cu su mayornan, isla unda el a crece. Derin su mes ta bin di un famia di entrepreneur. Tanto su mayornan como su abuelonan semper tabatin nan mesun negoshi loke lo hiba na un conclusion cu Derin tambe lo sigui e pasonan, apesar cu e tabata bisa lo contrario inicialmente. Na 2015, el a yega Aruba pa prome vez despues di un promocion pa e compania pa cua e tabata trahando p’e. Su tarea tabata pa supervisa e mercadeo di e compania na Aruba, Bonaire y Corsow. E idea inicial tabata pa e muda pa Corsow eventualmente, pero despues di apenas 6 luna, Derin tabata sinti Aruba, manera su cas.
QREDITS COACH
Derin a keda aserca via QREDITS pa duna un presentacion na nan aplicantenan nobo riba mercadeo. Di e forma ‘ki, el a conoce mas di nan programa di coaching, cu a haya su atencion mesora. “Mi a haya varios entrepreneurs cu a asercami pa conseho y eynan mi a ripara cu tin un falta pa esaki. E programa y guia di cu QREDITS ta ofrece na entreprenuers ta hopi bon, paso tin hende tin hopi bon ideanan pero kisas pa miedo of riesgo financiero of hasta no sa con pa cuminsa, nan no ta actua y cuminsa. QREDITS ta ofrece entreprenuers un oportunidad y e sosten pa logra nan soñonan. Segun cu mi a sigui riba mi trayecto, mi kier a recorda doñonan di negoshi y entrepreneurnan nobo, e importancia di e proposito ora nan ta cuminsa cu nan negoshi. Como proposito den nos bida ta unda tin fluho di abundancia y satisfaccion hopi hende ta cuminsa un negoshi cu e obehtivo di exito financiero. Sinembargo nan ta realisa tambe cu si nos ta djis sigui e placa, lo keda sigui esaki pa semper y sin descanso. Fluho di placa lo tuma lugar si bo tin un proposito y bon intencion tras di loke bo ta ofrece y e bonus lo ta cu lo bo sintibo satisfecho den bida e ora cu loke bo ta haciendo.”
Por lesa mas di Derin su entrevista den nos edicion digital, tanto den Papiamento como na Ingles.
