Para riba e rooftop cu desde .. a marca su existencia na Aruba, David Henrick ta realisa cu e isla aki ta uno c’un presencia central den su bida desde hopi tempo caba. Hopi ta e recuerdonan crea na Aruba durante vakantie cu e tin cu su famia como un turista mas cu tabata buscando e experiencia di e One Happy Island. Awendia, e ta ainda na Aruba pero construyendo recuerdonan diferente, no como un turista, sino como un invershonista cu a stima Aruba y a dicidi pa haci mas cu djis relaha banda di lama…
ARUBA
“P’ami, e hendenan di Aruba ta hopi amigabel y esaki ta agrega na e experiencia di e bishitante. Den dia ta un experiencia y anochi ta un otro; ambos dushi pa e turista. Mas largo mi keda Aruba, mas largo mi ta sinti cu mi ta biba pasobra e experiencia t’asina varia y inmenso. Mi ta stima e cultura y etica di trabou na Aruba. E Arubiano ta hendenan generoso cu ta algo cu mi ta gusta di por ta ‘kinan, awor como un inversionista. Tin un sensacion di orguyo cu mi ta aprecia. E logronan te cu awor no ta bay over di mi, e ta di nos hendenan cu ta logra haci esaki realidad. Mi ta purba inspira y guia mi team den e direccion di loke nos kier logra y hunto nos ta celebra esakinan. Mi ta contento cu e decisionnan cu mi a tuma cu a trecemi ‘kinan y ainda mi no ta cla. Tin mas oportunidadnan cu ta mi dilanti y mi ta cla pa esakinan pronto.
Por lesa mas di David su entrevista den nos edicion digital, tanto den Papiamento como na Ingles.
