Di mucha caba Daniel (44) tabata gusta naturalesa; Mi tabata gusta planta simia pa wak con nan ta crece”, e ta conta. Rose (44) a nace na Hulanda. Daniel su mes a studia General Business Management y cushina na Le Cordon Bleu mientras cu Rose a bira un maestra di scol. Hunto nan a casa bin biba na Aruba, unda aparte di e amor mutuo, nan ta comparti amor pa naturaleza tambe. Asina e gana pa crea algo cu beneficio pa sostenibilidad di nos medio ambiente a haya bida hibando nan awe den un mundo diferente; e mundo di abeha. Nan ta na cabes di nan compania ECO LIVING ARUBA cual ta dividi entre nan trabou como BEE KEEPING y crea productonan di BEESWAX localmente.
UN BEE EXPERIENCE
“Den nos proceso pa siña mas con pa traha cu productonan natural, nos a yega na Bee Keeping unda via AHATA nos a crea un experiencia pa turistanan. Hendenan cu kier siña un tiki mas di abeha of nan kier ta mas cerca di abeha, por haci un experiencia unico serca nos.
Hopi hende kier sa mas riba con nos ta maneha e cahanan di Abeha pero tambe con nos ta procesa e wax pa nos productonan.Mescos, e hecho cu nos productonan ta traha cu ingrediente local ta aprecia pa turistanan.Durante Covid nos a haya mas tempo pa siña con pa maneha abeha. Ehempel ta e casnan di abeha, nos ta trahanan nos mes”. Cu mas turista, e demanda pa e productonan crea di beeswax tambe a aumenta”. E pareha awor ta dilanti e reto pa traha mas productonan local pa bende den varios tiendanan rond Aruba pronto.
FUTURO
Manera naturaleza, nos lo crece den un manera organico. Cada aña nos benta ta subi pero nos no kier wak e parti aki solamente. Nos kier kier siña mas hende e importancia di kico nos tin caba na Aruba, e productonan cu nos por traha na Aruba y tambe e parti mas importante e trabou grandi cu Abehanan ta haci pa nos medio ambiente. Aruba y su clima ta special, pues nos por traha productonan hopi special na Aruba pero nos mester siña kico nos tin caba kinan.
Por lesa mas di Daniel y Rose nan entrevista den nos edicion digital, tanto den Papiamento como na Ingles.
