Nan encuentro tabata inevitabel ya cu ambos ta envolvi den un ambiente di deporte, aunke den forma diferente. Crystal Leito (28) su tata, Ludwig Leito, un comentarista di deporte, y tabata organisando un evento di MMA/boxeo organisa den cual evento, Stacy Hassell (42) tabata fungi como coach y un boxeador su mes. Aunke nan a yega di wak otro prome, nunca nan no a yega di papia cu otro. Tabata durante un evento na Crystal su cas, nan caminda a cruza atrobe y nan a conoce otro pa prome vez. Bayendo bek, niun di dos no por señala e momento preciso cu e interes a spierta serca ambos, pasobra tabata desde e prome momento, nan a ‘click’ hopi bon cu otro. Crystal a cuminsa bay gym di Stacy y e interes cu tabata mutuo, a desaroya den forma natural. E aña ‘ki, lo ta nan di 2 valentine’s day como pareha den cual tempo, nan crecemento hunto, a amplia mas unda nan amor pa otro ta hasta comparti nan amor den deporte.
RELACION & TRABOU:
“E por ta dificil. Tin un negoshi hunto por trece hopi stress adicional na un relacion. Factornan importante ta pa sa con pa separa trabou y relacion for di otro. Semper corda e meta cu a cuminsa cu ne na prome lugar.
CONSEHO
“Pone comunicacion, honestidad y lealtad como un di e prioridad nan den e relacion. Apoya otro, den e coscan cu boso kier haci. Sa kico boso kier y ta ‘on the same page’. Por ultimo pasenshi, no ta tur dia boso ta ‘get a long y agree’ cu otro y, ‘that is ok’.
Por lesa mas di Crystal & Stacy nan entrevista den nos edicion digital, tanto den Papiamento como na Ingles.
