Bogando pa un mundo digital mas inclusivo a haci cu tres forsa a uni c’un idea unico cu a materialisa awor den KAMI (Kamilah), un influencer unico den su estilo cu down syndrome cu a keda lansa ayera, 17 di Mei, 2022. Down Syndrome International (DSI), e agencia Forsman & Bodenfors y global digital modeling agency ta tras di e iniciativa aki cu tin como meta pa elimina e percepcion cu Down Syndrome ta un limitacion y un fayo na lugar di un virtud unico. E nomber Kamilah ta sinonimo di perfeccion y a keda crea di un panel di mas di 100 muher cu down syndrome.
Segun un estudio haci den 2021, a indica mayoria di hende ta pensa cu tin un limitacion na un pensamento mas inclusivo den e mundo digital, unda ta marginalisa mas y mas esnan cu cierto limitacionnan. Ademas por mira cu e mundo digital, mas y mas, ta pretende di crea imagennan di perfeccion, cu realmente ta imagennan mas bien altera, pues leu di ta uno realistico.
E proyecto aki ta pa crea diversidad cu creacion di e influencer Virtual aki, cu ta completamente diferente na loke ta dominando den e mundo digital.
Kami tin su mesun account di instagram, @itskamisworld, unda e ta comparti detayenan di su bida diario, amigonan, gusto y interesnan.
E campaña ta invita comunidadnan y marcanan pa tuma e compromiso, #TheKamiPledge, pa aporta na crea un mundo digital mas inclusivo pa hendenan bibando cu down syndrome. Pues pa logra na hacie imposibel pa ignora tur loke KAMI ta representa. Su potencial awor lo keda determina na e reaccion cu e lo haya.
Un representacion autentico
E cara, forma di haci, fisico, voz y personalidad di Kami a keda crea for di mas cu 100 persona cu down syndrome pa yega mas serca na exactitud posibel. Kami a keda crea via un proceso di tanto mashin 3D como craft humano. E avatar por keda agrega na diferente plataforma usa den e mundo digital. XCLSV Magazine ta uni na e campaña aki 100%.
