Mi ta stima bida y hende, y ta encanta retonan e rush di adrenalina ey ta ponemi sinti bon y satisfecho cu mi mes. Yama mi ‘hyper’. Mi ta considera mi mes un muher c’un caracter fuerte pero flexibel, sensibel y alegre. Mi ta gusta combersa, comparti, scucha y mi ta un bon amiga. Mi t’ey semper pa mi famia y mi amigonan dedica y mi ta bay e extra mile pa nan. Extroverti, generoso, critico y franco…’down to earth, what you see is what you get’. Mi ta leal , mi ta gusta paz, naturaleza, aventura , harmonia y husticia mi ta kere den humanidad. Mi ta un boluntario di curason, semper, cla pa yuda.
UN MOMENTO INOLVIDABEL DI INSPIRACION
Den mi añanan como Logopedista, mi a conoce un famia cu ta tin 3 yiu, tur 3 cu problema di oido. Mi tabata Terapista di nan tur 3 y a yudanan cu terapia y aparatonan di oido y te ainda e mama ta yama mi danki cada biaha cu mi top’e. Y tambe cu hopi satisfaccion mi por bisa cu mi ta un di e fundadornan di Quota International Service Club cu traha riba concientisacion di perdida di oido for di 1987. E casonan cu ta keda marca sin embargo ta e añanan cu mi tabata miembro di directiva di Fundacion Respeta Mi y e añanan cu mi a traha como Logopedista na scol, mi no por amplia riba e casonan aki door di mi zwijgplicht cu mi profesion.
Por lesa mas di Cherryldine su entrevista den nos edicion digital, tanto den Papiamento como na Ingles.
