PERFIL
Tin biaha,e momentonan mas dificil por bira oportunidad nobo pa cambionan positivo. Pa Boris (37) y Fabricio Kartodikromo Wever (27), e pandemia di Covid a haci esaki. Ambos a perde trabou y diripiente a haya nan mes para dilanti un caminda pa tuma decisionnan cu nunca na a pensa riba dje prome, esta di ta doño di nan mesun negoshi. Esaki ta nan storia…
Boris tabata semper un persona keto y humilde cu ta gusta comparti. “Mi a lanta na Aruba 10 aña despues di tabata biba na Hulanda. Eynan mi a haci mi ROC Braband NICT. Cu mi 20 aña mi a bolbe Aruba pa biba te cu dia di awe.” Fabricio ta originalmente di Suriname y tin apenas 4 aña cu el a muda pa Aruba. “Mi ta un hende hopi observador y semper cu curiosidad pa siña cosnan nobo. Na Suriname mi a haci mi MBO Medish pasobra mi semper a kier yuda hende y Koki pasobra esaki ta mi pasion y cuminda bo por laga hende bira feliz.” Tanto Boris como Fabricio a conclui di nan experiencia laboral cu si bo kier logra algo den bida of negoshi, e ta semper posibel cu e hermentnan necesario pero no por lubida e nificacion y importancia di e experiencia cu e cliente pa continuacion.
NA KI MOMENTO BOSO A DICIDI PA STEP UP NA QREDITS PA FINANCIAMENTO?
E encuentro cu Qredits tabata uno crucial pa Aruflamingo; tabata na e momento di crecemento di e negoshi. “Nos kier a amplia pa un di 2 shop y crea un bon stock y pa esaki, e sosten financiero tabata importante. Asina nos a logra.”
PAKICO BO A TRAHA CU QREDITS?
Qredits no ta solamente fia placa na entrepreneurs sino ta duna guia riba e proceso completo cu entrenamento cu ta yuda e entrepreneur crece. Ademas, e interes cu nan ta ofrece ta hopi rendabel pa nos como entrepreneurs.”
Por lesa mas di Boris & fabricio nan entrevista den nos edicion digital, tanto den Papiamento como na Ingles.
