Nos tur tin e derecho pa defende nos nomber ora esaki keda atropeya pero no tur ora e derecho aki ta keda busca. Motibonan ta varia entre laga e ‘cos muri’, no tin gana di pasa den e emocion y stress cu esaki ta trece cune pa famia ni bo mes y tin biaha hasta e fondonan pa bringa pa por haya rason den corte por ta cuantioso. Despues di pasa den atropeyo un tras di otro di difamacion di mesun grupo di personanan/media, Ophelia Beyde a dicidi finalmente cu ta basta y a busca su rason contra esnan cu a bin ta difam’e pa un tempo caba. Un lucha den cual el a sali victorioso y keda otorga un retificacion inmediato di e agresor specifico di difamacion. Un victoria cu ta demostra e abilidadnan unico di un THRIVER sin duda algun pa busca husticia, sin miedo algun.
CONSEHO:
“Tene fe, resa, kere den bo mes y para pa bo drechonan. A man who stands for nothing will fall for anything”.
