KEN E TA?
Marieta a lanta den e bario di Westpunt, bayendo diferente actividad hunto cu su mama, kende tabata hopi activo, trahando bolo, bayendo les di cose y den comite di damas. Su tata tabata traha den construccion y tabata conoci pa su presicion y rapidez, por ehempel den pone mosaic den cual area e tabata un experto. For di nan el a haya su drive pa haci de todo un poco. Ademas di su trabou como Chef Externe Controle na SVB, Marieta ta hopi bon den obra di man y por ehempel pasco e ta traha diferente articulo di pasco y e ta decora pero tambe e ta gusta traha cu cement, palo, pinta y diseña. Su mama a fayece ora cu e tabatin 9 aña y pesey el a bay biba serca su wela.
CONSEHO
Pa esnan cu ta identifica nan mes cu Marieta su storia y cu kier cuminsa haci un cambio, e tin varios conseho. E prome ta pa enfrenta e realidad cu e cambionan no ta bay ta facil. E ta pensa cu cuminsando cu un cambio so caba bo por ta yudando bo mes, por ehempel comiendo mas saludabel. Locual semper ta yuda ta pa kisas bo busca un personal trainer pa guia bo y bo por hacie cu mas hende asina un por motiva otro. “Mi a tende hopi biaha cu ora bo ta riba 50 bo metablismo ta slow y ta mas di cil pa baha peso, pero mi journey ta prueba cu esey no necesariamente ta berdad”. E ta splica cu e fasting por ehempel a yuda hopi bon, pero naturalmente esaki mester wordo complementa cu suplemento. “Te hasta e manchanan cu mi tabata tin na mi cara a bay por completo y mi ta mustra hopi mas jong”. Marieta su goal ta pa baha sigur 10 kg mas, pero e ta mas focused riba baha e % di vet y e visceral fat rond di bariga, tambe drumi suficiente y profundo pa regenera bek y tonifica su curpa, brasa pia y bariga. “No tin nada cu ta sinti mihor cu ora bo wak bo mes den spiel y bo ta contento
cu e persona cu bo ta mira, ora bo pañanan ta cuminsa sirbi bo facil atrobe y bo ta haya un push pa sigui”.
