E tabata e di dos dia di Juli 2021; e dia cu Lislaine Bermudez (29) a dicidi pa ‘post’ un texto hopi personal p’e riba su pagina di facebook y comparti esaki publicamente cu tur hende cu kier a tuma e tempo pa lesa. Djis di cuminsa scirbi, mi man ta cuminsa tembla y mi wowo ta yenando cu awa. Mi no ta haciendo esaki paso “mi falta atencion”, tampoco pa crea “duele” pero pa somehow AGAIN raise un awareness tocante mental health y pa tur cu ta sintiendo algo “negativo” sa cu YOU ARE NOT ALONE.
Tabata net despues di e dos seccion cu e tabatin cu su Psicologo cu ta specialisa den trauma y Lislaine kier a comparti su experiencia y lucha debatiendo cu salud mental. Dos siman prome e tabatin su prome sesion unda e prome pregunta cu e Psicologo a puntre tabata; How can I help you? Mi contesta tabata… Nada. (Mi a djis cuminsa yora.. Yes, dilanti un complete stranger) honestly, I didn’t even know how or where to begin. Awe ta mi di dos seccion… Mi no a yora na cuminsamento, mi a yora ora ma caba despues den auto. Na prome bista, Lislaine ta un mucha muher manera cu lo bo topa cune riba caya, den un tienda of cualkier otro caminda. Lo bo no ripara nada diferente of robes tras di wowo blauwnan cu ta resalta di su rostro cubri cu su cabey largo bruin, lo bo no ripara nada pasobra salud mental no ta un herida visibel na bista di hende. E ta algo hopi mas profundo cu ta real y por afecta tur hende. Lislaine ta luchando pa su salud mental desde hopi tempo caba. Awe un Thriver cu kier pa mas hende realisa cu Salud Mental ta un realidad y cu bo no ta bo so.
“Mi sa cu tin biaha rebiba cierto cosnan ta eng, of dolor. Pero buscando ayudo profesional, lo bo ta un stap mas serca di bo freedom y felicidad, cual bo merece tur. Hopi biaha nos ta duna hende mil oportunidad, mientras nan no ni merece esey. Dus zorg pa bo duna bo mes un oportunidad mas cada biaha, pa bo yega na bo freedom y happiness.
