Naci faltando un man, Elliott no a laga su desabilidad determina su bida. Awe e ta logrando metanan proponi cu determinacion y hopi gana. “Locual hopi hende sin desabilidad ta mira como imposibel, nos cu tin desabilidad ta mira como posibel, paso henter nos bida nos a pasa ta adapta nos mes pa y pensa riba solucion pa nos por logra nos metanan”.
CONSEHO:
Elliott su meta a wordo cumpli caba cu ta su participacion na Paralympics. “Claro cu awor mi lo desea di haya un medaya pa Aruba pero mi ta hopi orguyoso caba cu como unico atleta Paralympico mi lo tin e oportunidad di representa nos isla na Tokyo 2020”. Tur mucha cu tin e soño pa un dia yega Olympic of Paralympic Games mester traha duro y nunca rindi. “Keda train, keda pusha y keda desafia bo mes, e caminda ta dificil pero e por wordo haci y si bo traha duro bo lo yega y e lo haci bo feliz”! #GOELLIOTT
