Alvin Molina

No ta prome biaha c’un miembro prominente di Korps Politie Aruba ta subi arena politico. Locual ta haci Alvin Molina diferente ta cu su partido a mira den dje un candidato cu potencial asina grandi cu a pone na nr 10, asina pasando riba candidatonan cu ya caba tin hopi tempo sea ta riba lista of cu ya a fungi como minister of parlamentario. Partido MEP di e manera aki ta laga sa cu nan ta spera hopi pa locual ta trata cantidad di votonan di e candidato aki.

Ami ta para pa un politica cu ta enfoka riba servicio, colaboracion y husticia. Kico ta e bienestar di Aruba, nos hendenan en general, eynan nos tin cu enfoka y adapta nos servicio. Mi lo desea di yuda desaroya e servicio pa cu seguridad di Aruba, di nos muchanan, trahando hunto cu pueblo en general pa por logra esey.

Colaborando cu pueblo en general, haciendo uso di tur posibilidadnan cu tin, traha pa e pueblo haya loke nan merece. Awe mas cu nunca e colaboracion cu Hulanda ta sumamente importante. Dimes esey por trece hopi oportunidad pa nos por avansa riba varios tereno, pero tambe esaki ta e temporada cu nos mester demonstra cu nos ta profesional, cu nos tin vision y cu nos ta traha na un manera integro y transparente pa nos por salvaguardia nos autonomia. Ami conose e sistema Hulandes. Mi por usa e experencia aki na bienestar di Aruba. Mi ta un hende di tur hende, analitico cu vision pa logra metanan y sigur un curason grandi pa sirbi e comunidad di Aruba loke ya caba mi a haci na varios forma; den Cuerpo Policial y tambe trabounan boluntario.