Qredits Aruba ta reconoce Adaline Rachel Rasmijn pa su contribucion sobresaliente den e campo di salud mental. Su determinacion pa sigui su vision y habri su propio practica di psicologia a haci’e sobresali como un profesional excepcional. Adaline no solamente a establece un compania di psicologia, pero tambe un centro di apoyo pa e comunidad, promoviendo e importancia y cuidado di salud mental.
Apoyo di Qredits
“Mi a scoge Qredits pa diferente motibo. Primordialmente mi ta kere paso Qredits ta traha pa un hende manera ami cu tin un soño pa habri su mesun practica, mirando cu nan ta sostene negoshi chikito door di ofrece porcentahenan mas abou y tambe door di ofrece guia y educacion gratis na nan clientenan. Mi ta sintimi sosteni door di Qredits. E no ta djis un instancia cu a duna mi un prestamo, pero mi ta sinti cu nan ta na mi banda pa por logra cu mi practica.
Por lesa mas di Adaline su entrevista den nos edicion digital, tanto den Papiamento como na Ingles.
