Stephanie ta hopi stima serca su pashentnan. E ta experencia e cariño special aki desde cu el a cuminsa eherce su funcion como partera pero loke nunca el a imagina, ta e sentimento cu el a biba, ora cu na cuminsamento di e pandemia, el a sali positivo pa COVID-19. Un experiencia cu a siña asina hopi y awe e ta comparti cu nos.
STIGMATSA PAVIA DI TA COVID POSITIVE
Ainda Stephanie ta corda e dia cu el a haya sa cu e ta positivo pa COVID-19, es mas, e tabata spera esaki ta bin pasobra 2 dia prome su mayornan a sali positivo. E mes tabatin 2 dia den cuarentena ora cu el a haya e resultado. Tabata november 2020, e tabata e prome Partera na Aruba pa haya COVID-19. “E tabata emocionnan mixto. No tabatin un beleid traha di parti DVG pa cu parteranan ainda. Pero e sentimiento di inseguridad y keda husga tabata grandi. Kico hende lo pensa? Tanto cos a bin den mi mente e momento ey, pero mas cu tur; con mi pashentnan lo tuma e resultado aki? Nan lo label mi?
E tabata un inseguridad pasobra principalmente mi tin mamanan na estado cu lo kier sa cu nan baby lo no keda afecta y tur cos lo ta bon cu nan. Por cierto, si, mi a haya hopi reaccion y comentarionan negativo di coleganan, pashent cu a hasta bay otro oficina di Partera pasobra nan tabata hayami fies.
Por lesa mas di Stephanie su entrevista den nos edicion digital, tanto den Papiamento como na Ingles.
