Desde su 15 aña caba Thessaly (27) a pone pia riba un escenario di moda y dos aña despues, riba esun di beyesa. “Na 2013 mi a bay pa Miss Teen America, mi a competi na Hulanda pa Miss Amsterdam unda cu mi a sali first runner up”, Thessaly ta cuminsa conta. Despues di a studia y traha pa 7 aña na Hulanda, na 2021 el a bolbe Aruba cu un mision; traha y competi pa Miss Aruba sin cu e mes tabata sa cu e lo yega te na bira un di e top 10 finalistanan di Miss universe.
METANAN FUTURO
“Mi kier trece mas conscientisacion y cambio riba salud mental, esaki ta cosnan cu mi kier sigui traha riba dje tambe awo cu mi a yega asina leu y cu mi a haya e plataforma mas grandi pa asina mas hende por scucha dimi.
Kico, ademas di preparacion, ta haci e diferencia pa bo por yega leu den un certamen?
Pa yega leu den un certamen e ta tuma hopi sacrificio, hopi dedicacion y hopi disciplina y hopi amor pa loke bo ta haci. Si bo no tin e amor pa loke bo ta haci bo nunca lo duna e 100% di bo mes cu bo mester hinka aden. E ta tuma hopi esfuerso y hopi poder di bo mes pa asina sigui pusha y lucha pa loke bo kier logra.
