Di tur profesion cu ta existi na Aruba, Notario ta kisas un di esunnan cu ta gosa di mas prestigio. Un gran parti di esaki tin di haber cu e periodo di preparacion, cuminsando for di estudio caba y despues como kandidaat-notaris, cu por ta hopi largo pero cu ta culmina den un carera hopi exigente cu ta exigi integridad y presicion. Despues di 20 aña den preparacion, na comienso di aña 2020 Mayréne a ricibi e noticia cu su nombracion como notario ta oficial y algun luna despues, el a introduci su propio kantoor. Apesar cu esaki ta un logro personal, su storia ta ilustra claramente con un fundeshi familiar solido y un entorno corecto por yuda un persona yega na su metanan.
UN FUTURO AMBICIOSO
Apesar di tin su nombracion como notario awor, Mayrène su meta ta pa sigui siña tur dia di tur detaye di trabou y di bida en general, di e cosnan bon y menos bon. Pa crece y evoluciona. Bo resiliencia ta locual ta bay conta pa con exitoso bo ta den tur aspecto di bida, sea ta personal, profesional of spiritual. “Esaki ta locual mi kier logra como mi ‘ultimate vision’ den mi oficina, y ohala esaki por tin un ripple effect den comunidad di Aruba y cu Dios su poder mundo henter mes”. Finalmente e ta conseha pa nunca stop di kere den bo mes y no tene miedo, sa cu tur locual bo ta desea c’un curazon sincero, bo lo logra!
