For di chikito e tabatin un talento pa pone su sentimentonan den palabra. Su crecemento personal y su preguntanan riba locual e no por a compronde a bira e base riba cual e por a inspira y yuda otronan. Apesar di tin logronan grandi caba
na un edad hoben e ta keda un persona facil pa aserca. E ta un persona
humilde y transparente. Su buskeda pa mehora su mes y pa sigui acumula
conocemento y compronde bida mas mihor ta contagioso y den e sentido ey e por fungi como ehempel y inspiracion pa hopi den nos comunidad. E ta inevitabel pa sinti e energia positivo y paz interno cu e ta transmiti.
E ta agradecido na su mayornan Betty y Eric kendenan semper a sostene y gui’e pero tambe a dun’e conseho y ofrece e espacio y libertad pa cana su propio caminda. Na e momentonan aki e ta tumando su tempo pa conoce su mes y
identifica kico lo por ta su siguiente paso, pero e no kier pone un plan definitivo pa locual e lo kier logra. “Mi a stop di stipula locual mi kier logra den futuro na momento cu mi a experencia e resultado di concientemente duna destino control di bo bida”.
Destino su plan semper tabata hopi mas great cu esun di dje, pues e no por duna contesta di kico mas e lo kier logra aparte di: laga los y disftuta di destino su vision. E ta kere firme cu bo mester explora y descubri e practica cu lo funciona pa bo cu ta permiti bo alcansa bo paz interno. “Pa mi e ta meditacion, pa bo e por ta algo otro”. Tuma tempo den bo dia pa dedica bo mes na e practica aki. “Den esaki bo no por tuma short cuts y bo mester pone bo mes na prome lugar, pasobra solamente si abo ta ok bo por sirbi otro”.
