Cu su peluca, boca grandi, make up exagera y su huña falso, el a bira conoci den henter Reino Hulandes y mas leu ainda como e trahador ‘fresco’ di FC Kip. Un personahe cu a nace di su fantasia y un serie cu el a crea for di nada. Durante henter su bida el a logra bolter pobresa y necesidad den creatividad, asina creando un realidad rond di dje cu finalmente a bira e clave pa su exito. Esaki ta Jandino Asporaat (40), y esaki ta su storia…
Finalmente e ta bisa cu Dios a hunga un rol importante p’e den su bida. Henter dia e ta papia cu Dios y e ta gradicie pa tur locual e tin y el a yude haya. Rikesa no ta importante pe, e tin un bunita cas y auto, pero su rikesa di mas grandi ta cu e por biba, cu e por papia, cu e tin su yiunan, su famia y su amigonan pa comparti amor. Y pa tur e Jandinonan cu ta canando rond c’un soño di un dia bira grandi y famoso, e ta bisa siña landa. “Siña landa paso bo ta cay den un pos y sali pa cay den otro, pero si bo sa landa bo lo por yuda bo mes, y bo lo scapa…”
