For di un edad hoben, Solangel Dinmohamed Lacle tabata soña c’un dia e lo ta un persona importante. Cu hopi esfuerso el a logra tur su metanan cu el a pone su dilanti semper desde mucha cu a yega di un pais diferente pa biba riba un isla cu a bira su cas te awor na un persona prepara educa awor como un adulto. Su mas recien meta? Bira un parlamentario pa pais Aruba y casi el a logre, si no tabata pa locual e ta cualifica como un inhusticia cometi contra su persona. E storia di un Thriver desde hoben caba.
‘’Mi lo keda sirbi pais Aruba y mi ta sigur cu pronto lo mi por haci esaki na e organo di mas halto di nos Pais’’. Su mensahe ta cu palabra tin balor, documentonan firma tin balor. ‘’Nos tin balor, NO stop di kere den palabra, no stop di kere den e balor di bo firma y nunca stop di kere den bo mes, p’asina hamas bo wordo silencia, pa ora tin un inhusticia, bo sa di lanta para y bira ciudadanonan critico. Esei ta locual cu nos pais merece. Mi kier gradici Aruba en general cu ora a ripara kico ta pasando no solamente a sali na mi defensa, pero na defensa di nos democracia y a sa di compronde e diferencia entre husticia y ley. Pues aunke cu ley no semper ta husto, nos si ta un pueblo husto’’.
