Desde su lansamento durante e eleccion di 2017, Gerlien Croes tabata un candidato fuerte, specialmente pa e millennial voters. Hopi a mira den dje finalmente un hende di nan generacion pa berdaderamente representa nan y esaki a keda refleha den su cantidad di votonan. Tabata un shock pa hopi ora cu AVP a dicidi cu Gerlien lo no bay den parlamento y e coreccion pa e eror aki sigur ta refleha den e number preferencial cu el a haya riba e lista berde e biaha aki.
CON BO TA DESEA PA E VOTADOR WAK BO COMO CANDIDATO Y PAKICO NAN LO MESTER VOTA PA BO?
Mi lo kier pa e votador wakmi como un persona hoben cu ta traha pa cambio den politica y na nos pais. Mi ta kere firmemente cu Aruba por hiba politica di contenido, sin division, odio of rencor y a base di respet mutuo na un forma educativo, aunke nos semper por keda critico y tin e derecho di vocifera nos pensamento.
Mi ta un hende muher, un bos pa nos hobennan, y tambe sigur pa esnan mas grandi di edad. Mi ta para pa comunidad!
