Desde su lansamento den politica, el a keda demostra cu politica ta un factor nato serca Mike Eman. Su liderasgo den su partido ta uno solido unda aparte di esaki, su tarea di rehuvence su partido ta mas visibel cu nunca e eleccion aki.
KICO TA E LOGRONAN CU BO TA MAS ORGUYOSO DI DJE DI BO GOBIERNO?
Si bo mira e situacion economico, financiero, infrastructural y social cu Aruba tabata aden ora nos a drenta gobierno na 2009, unda cu partnernan strategico a bira lomba pa nos y pensioen di nos grandinan tabata na bancarota, y compara esaki con nos a laga Aruba na 2019, anto bo ta compronde dicon nos ta orguyoso di e ocho añanan di gobierno di AVP.
Casi no tin un area di bida di nos hendenan y nos pais cu nos no a toca c’un accion pa stimulacion of mehoracion di e calidad di bida di nos hendenan: scolnan cu a wordo drecha, un edificio cu nan a laga bira ruina a wordo renoba, un bario of un cancha di deporte cu nos a pone bek den funcion.
