Rocco Tjon

For di su entrada den politica, Rocco a causa un impacto. Como un polis hopi conoci, casa cu un polis hopi conoci, dirigiendo KIA, un instituto hopi conoci, tabata manera e escenario a wordo poni pa un candidato grandi cu un futuro briyante den politica. Trahando duro hunto cu un famia y team dinamico, Rocco a logra un cantidad di voto importante den ultimo eleccion y a drenta parlamento como lider di fraccion pa partido MEP.

Tin diferente mocion cu a wordo aproba y esun cu den mi concepto tabata mas importante, ta introducion di un “halfjaars-rapportage” di parti Gobierno. Esaki pa evita cu na nal di aña Parlamento ta wordo confronta c’un presupuesto supletorio den cual Parlamento mester bay aproba fondonan adicional. Pero tambe mi ta hopi orguyoso di por a aproba e Sociaal Crisis Plan cual a fortifica e diferente departamentonan di e cadena social. Cual consecuentemente a brinda hopi alivio na esnan cu tin mester di e ayudo.