1: PAKICO BO A DICIDI DI DRENTA POLITICA Y KICO BO TA DESEA DI LOGRA CU ESAKI?
Mi a drenta e arena politico pa motibo di ta cansa di wak con personanan cu ta haya con ansa di pueblo pa ta manera e pushi cu ta cuida e keshi, ta resulta di ta e raton. E deseo y meta ta pa yega na un parlamento critico di berdad, cu ta obliga tur gobernacion di ta habri cu documentonan y stimula un pueblo participativo (principalmente e hobennan).
2: PAKICO ACCION 21?
Accion 21 ta un partido cu su base principal ta uno realistico y no ta purba bende un ilusion cu tur cos ta bon. E partido ta para pa progreso real, unda e ciudadano den ningun forma ta co-dependiente di gobierno, sino mas bien ta haya e instrumento nan necesario pa progresa su mes.
3: DEN KI MATERIA BO LO PROFUNDISA BO MES.
Contrario na mayoria politico cu ta concentra riba e parti ehecutivo (minister), mi concentracion y profundisacion ta pa e parti legislativo (parlamento).
Mi lo ta profundisando den e parti di transparencia, pa revisa y adapta e LOB, pa bin cu un Sistema di Open Data, unda tur documento di departamentonan gubernamental y companianan estatal ta bira publico y accesibel na tur persona, 24 ora pa dia (digital). E motibo pakico mi ta concentrando speciFIcamente den e puntonan aki ta paso mi ta kere FIelmente cu progreso ta bin solamente ora un pueblo ta consciente y critico riba e maneho di e pais den tur aspecto di palabra.
