Naldo Maduro

For di un edad jong mi a lanta den politica. Den un bario bastante concentra y cu hopi pashon pa politica, ma dicidi di drenta politica pa haci e diferencia cu mester pa trece ideana progresivo y trece cambio pa Aruba pero t’ambe pa proteha nos medio ambiente y sigui cu desaroyo di nos isla. P’asina nos por sigui competi y ta un lugar stabiel y ehemplar pa un y tur. Pa tin igualdad, pa kibra nepotismo y elimina corupcion, pa crea oportunidad na esnan cu tambe merece un miho bida riba nos isla y pa nos tin un bon futuro pa nos generashonan cu ta sigui.

Mi a wordo aserca for di 2017 pa 2 partido pero mi no a sinti cu mi ta cla ainda pa subi e arena politico pero si ma keda den contacto y asina for di cuminsamemto di 2019 mi a forma parti di Raiz, cu Raiz ma bin haya e oportunidad y tambe e preparacion extenso y un parti hopi importante ta p’ami por presenta mi ideanan pa c’un mihor Aruba, den un team hoben, dinamico, y atento pa pueblo su deseo pa mira cambio y aleha for di politica tradicional. Mi kier a duna danki na bestuur completo di Raiz cu a kere den mi tambe y tur hende cu ta apoya mi y kere den mi.

Mi areanan di concentracion ta principal riba desaroyo y progreso pa upgrade e areanan di comercio pa Oranjestad y San Nicolas mirando cu nan ta areanan cu pa añanan tabatin falta di atencion. Nos infrastructura y naturalesa y un hopi importante p’ami ta nos hubentud cu ta un prioridad y mester di duna bida vooral enseñansa, deporte, arte y musica cual tambe ta areanan cu ta sufri.