Miguel Mansur

E ta un di e candidatonan mas sorprendente di eleccion 2021. Miguel a traha un nomber pa su mes durante momentonan mas crucial di e pandemia na momento cu Aruba tabata den negosacion cu Hulanda. E serie di articulonan educativo publica durante e periodo aki a resona serca hopi hende y a mira den e persona di e autor un heroe improbabel. Apesar cu e tabata den exterior pa hopi tempo, e yamado di su pueblo den necesidad pa un aire fresco a trece Miguel back na su isla y pa tuma e paso di drenta e arena politico.

Mi kier pa e votador tende mi vision y lesa nos plan di partido. Si nan ta sinti nan mes identifica cu nos plannan e ora mi kier nan deposita nan confiansa den mi persona y nos partido. Mi kier pa nan wak mi como un persona honesto cu ta comparti e berdad paso si nos no reconoce e realidad di e situacion actual, no tin posibilidad pa bin cu solucion.
Mi ta kere den empodera e individuo pa crea su mesun recurso y asina alcansa nan potencial maximo.