Semper cu Marienne Kock (26) por corda, ta e ramo di medicina ta loke e tabata haya interesante y tabata mira como e direccion pa su futuro profesion. E ta corda cu tempo el a caba Colegio Arubano, no tabatin hopi opcion den e ramo di medicina aparte di verpleeging y apothee- kasistent, cual no tabata hala su atencion. Esaki a bira e motibo solido pa el a dicidi pa bay studia afor. Despues di a busca informacion di diferente estudio y haci diferente test pa wak ki estudio ta pas p’e, Marienne a scohe pa Biologie en Me- disch Laboratoriumonderzoek cual ta consisti hopi di e vak di biologie cu tabata un di su vaknan preferi na scol.
APORTANDO BEK
“Prome cu mi a caba mi estudio e laboratorio unda mi a stage/afstuudeer a ofrecemi trabou cual mi acepta sin pensa dos biaha. Haya trabou den ramo di laboratorio no ta algo facil na Aruba. E tabata un oportunidad cu mi no por a pasa”. Actualmente Marienne ta trahando na e afdeling di microbiologie di LabHOH cu ta haci parti di Dr Horacio Oduber. Su trabouta ensera identifica tur sorto di bacteria/virusnan cu por causa infeccion, griep y sepsis den un pashent. Esaki ta yuda cu e diagnostico di un pashent p’asina dokternan por duna e tratamento adecua. “Durante e pandemia e afdeling cu mi ta forma parti di dje ta un di esunnan encarga pa eherce e analisis di covid19 y na e momentonan aki, e unico den identifica variante. Ora mi a haci mi estudio nunca mi a imagina mi mes den un pandemia y con importante mi trabou lo ta. Mi trabou ta ensera hopi presion cu na final di dia ta gratificante ora bo haci un diferencia dene pashent su recuperacion”.
