Oportunidadnan no ta djis pasa, abo tin cu creanan. Esaki ta loke Levy Geerman ta haciendo desde cu el a tuma e decision pa bay 100% den su negoshi di audio visual, despues di a fungi como docente pa 10 aña. E ta tuma corahe, firmesa y ambicion pa yega na metanan proponi. Tur e caracteristicanan di un berdadero
GOAL DIGGER.
UN PERSONA CREATIVO:
Sin cu mi mes tabata sa, mi tabata edita video na un edad hopi jong mes. Mi
tabata graba tur weganan di basketball di NBA riba VHS. Pa mi por a crea un solo clip di e miho momentonan di e weganan, mi tabata fia un videoplayer di un bon amigo dimi p’asina mi por play highlight di un wega riba mi mesun videoplayer y graba riba e riba e otro recorder. Pues na mi mes manera mi a conecta nan na otro y compila mi mesun video riba VHS. Algo cu no tabata facil e tempo ey.
UN GOAL DIGGER:
Probablemente no ta e miho cos pa bisa, pero bo estudio no ta hacibo un profesional exitoso. Bo estudio ta un metodo cu bo por haci bon uzo di dje. Pa yega na exito, ta bo mes tin cu crea y lucha p’e hasta ora bo tin estudio. Aunke cu mi mes ta leu di yega e top, mi sa si cu exito no ta ora mi yega na mi mesun top pero ta con mi ta keda na e top. P’ami exito ta ora bo ta biba den bo proposito y no por compara cu otro paso nos tur tin propositonan diferente. Cu otro palabra, ora bo ta biba haciendo locual cu Dios a diseñabo pa haci. Esey ta e unico manera cu bo lo sintibo completo.
