Hard Rock Cafe ta toca un tono amargo awor na Aruba. Durante dia awe e noticia a cuminsa keda plama riba social media cu Hard Rock Cafe situa na South Beach a sera su portanan. E Cafe-Bar-Restaurant tabata bon bishita pa tanto local como turista. Nan a habri nan portanan 12 aña pasa pa prome vez na Aruba.
Tabatin un tempo si caba cu tabatin un problema cu e standnan dilanti e establecimento, cu tabata tapa bista y entrada di e lugar. Propietarionan di Hard Rock Cafe no tabata contento cu esaki pasobra nan tabata sinti cu esakinan tabata obstaculisa entrada na nan establecimento. Sigur e situashon di e pandemia cu a causa cu Aruba mester a sera frontera desde maart 2020, no a yuda tampoco.
Mundialmente ta un cantidad di otro cafenan di Hard Rock a sera caba y awor esun di Aruba ta keda agrega na e lista aki.
