E ta manera ayera, pero ya ta 20 aña caba cu DOC Opleidingen, cu a origina den un cooperacion cu Doc Opleidingen & Trainingen na Hulanda, ta aportando na crecemento profesional di e comunidad di Aruba. E compania a cambia di maneho algun biaha pero desde Januari 2016 Doc Opleidingen ta bou maneho di Frits Israël y Geeta Khemlani. Hopi ta e personan cu a drenta e portanan di e edificio di DOC opleidingen cu deseonan grandi pa mehora nan mes y amplia nan posibilidadnan den comercio, nan negoshi of simplemente nan conocemento personal pa ta ‘al dia’. Awe, 20 aña despues y cu miles di graduado, DOC opleidingen a demostra su aporte na Aruba.
Nos kier sigui profesionalisa nos mes y nos comunidad na Aruba. Nos a agrega algun cursonan internacional pa cual nos a sigui curso pa keda acredita pa duna e lesnan ey, manera e curso di e Blanchard Organization, SLII y the FISH! Philosophy.
Asina nos ta pensa cu nos por contribui mas mihor na e recuperacion di nos economia den un forma responsabel y duradero. Nos lema ta Lead by Learning, y nos ta aplica esaki primeramente na nos mes tambe!
