E mes ta un persona cu a sigui crece den su bida. Como studiante, empleada di banco, docente y awor life coach, Vanessa (48) semper a percura pa educa su mes y tuma oportunidadnan pa crece como profesional y como persona. Na 2018 el a sinti un yamado pa certifica su mes como personal coach y asina, despues di hopi aña brindando ayudo y oido na diferente persona, e por hacie awor di forma certifica.
FALTA DI BALANSE Y PRESION DI TUR BANDA
Cansancio ta e motibo principal pa cual nan ta acerk’e. Hopi hende no por haya e balanse pa deal cu famia y trabou. Hopi trabou ta pone presion enorme riba nan empleadonan tambe y tin hopi falta di pasion den bida y den trabou. “Tambe hendenan ta bibando mas bou presion di sociedad y hopi no ta reflexiona riba nan desicionnan”.
