Si tin un storia cu tin tur e colornan, emocionnan, e subida y bahada den bida ta esun di Ricky Hodge te cu awor. E tabatin 8 aña ora el a haya sa cu su tata tabata e adicto ambulante cu tur hende tabata yama Ski y cu 9 aña el topa cu su mama Nathalie cara cara pa prome biaha. E historia di su mayornan a hacie mas fuerte y awe, Ricky ta pone su mirada riba cosnan nobo. Preparando pa un viahe pa Hulanda cual e tin su confiansa aden cu lo bay cambia su bida, su emocionnan ta halto pa loke futuro por tin p’e. Un mihor futuro cu e lo construi sin lubida ken e ta y di unda e ta bin pero c’un caminda cu solamente e ta bay traha riba dje. Un storia di un Thriver 100%.
CONSEHO NA OTRO HOBENNAN CU MAYORNAN ADICTO:
“Keda positivo, enfoca riba algo cu bo ta gusta y no cai den mal caminda. Semper tene fe cu mayan lo ta mihor”
