Mia Harms tin 15 aña y ta un alumno di Schakel College. Pa un tempo caba e ta e motor creativo tras di e marca di accesorios Bushi Fruit. Mia semper tabata un mucha creativo, habil y artistico, sea ta trahando joyas y accesorios of paña. “Mi tabata purba traha mi mesun blusanan cu mi tabata mira online cu mi machine di cose”. Mia a cuminsa traha su accesoriosnan paso e kier a bisti cadena y armband y no por a haya nada na su gusto.
Cu e placa cu e ta haya di e benta di productonan Mia ta cumpra mas producto y tambe e ta spaar un parti di dje. E lo kier sigui cu Bushi Fruit den futuro como hobby y apesar cu ainda e no sa ki carera e lo scoge como adulto, e lo kier sigui disfruta di haci cosnan cu ta rekeri un grado di creatividad.
Abo tambe ta traha obra di man? Manda nos un mensahe y ken sa, kisas bo lo por ta den nos siguiente edicion di Made in Aruba.
