Ham di Pasco

Ham di pasco di pork tenderloin, cu salada di batata, compote di pineapple, gel di pineapple, yellow beets y comcomber tempera.

Ham di Pasco di pork tenderloin
500 grams pork tenderloin
1 liter di awa
25 grams salo
15 grams sucu
3 star anise
3 blatji di Laurier
8 korrels di black pepper corn
4 clabo
1 liter di juice di pineapple
50 grams sucu bruin
1 botter chikito di preserved cherries
½ tsp liquid smoke
2 tbsp olive oil
2 tbsp manteca

Pone e salo, sucu, anise, laurier, pepper corn, clabo y e awa den un weya. Pone nan herbe. Ora e jega e boiling point, page y lage fria den frigidaire. Esaki jama brining liquid.
Den un saco di ziplock, pone e pork tenderloin y basha e brining liquid riba dje, laga e pork tenderloin ta full tapa cu e brining liquid. Lage brine pa 12 ora den frigidaire.
Despues di 12 ora, sake di e brining liquid y seca e pork tenderloin cu un kitchen towel.
Den un blender, pone e cherries, e pineapple juice, e liquid smoke y e sucu bruin. Blend y despues pase door di colado. Agrega salo na smaak. Esaki ta e cherry y pineapple sauce
Den un pantji, pone e olive oil y e manteca y hasa e pork loin golden brown. Ora e tin un bunita color, deglaze e pork loin cu e cherry y pineapple sauce. Stoba e pork tenderloin cu e sauce na medium heat y keda baste (banje) cu e sauce te ora e jega medium well. Depues saca e pork tenderloin di e sauce y lage fria den frigidaire, e sauce tambe lage fria separa pa e pork no pasa di termino.

Salada di batata
2 baked potatoes, corta na bloki chikito
2 tbsp ciboyo cora, corta na bloki chikito
2 tbsp promenton cora, corta na bloki chikito
2 tbsp yellow beets, herbi y corta na bloki chikito***
1 tsp cilantro, chopped
1 tsp ciboyin, chopped
2 tbsp mayonnaise
1 tbsp piccalilli
½ tsp pica di papaya
salo y pepper na gusto

Pone e awa herbe y cushina e batata nan te ora nan ta moli, pero no demasiado moli, no kier keda cu e forma. Strain y pasa nan pa un platter cu papel pa absorba e awa y laga nan fria den frigidaire.
Den un bowl, pone e ciboyo, promenton cora, yellow beets, cilantro, ciboyin, mayonnaise, picalilli y pica di papaya y mix nan, despues fold in e batata y sazona cu salo y pepper na gusto

Compote di pineapple
200 grams pineapple fresco, corta na bloki chikito
100 grams sucu
100 grams awa
50 grams white wine vinegar
1 cinnamon stick1 tsp fresh ginger, chopped

Pone e pineapple, sucu, awa, vinager, cinnamon y e ginger den un weya y herbe, ora e liquido herbe, bahe na low y reduci pa 2/3. Ora e reduci kite di candela y pone den un baki y lage fria den frigidaire.

Komkomber tempera
1 Komkomber largo, pela e casca
100 grams awa
100 grams sucu
100 grams apple cider vinegar

Cu un cos di pela batata, saca paar di lamina nan largo di e komkomber.
Den un bowl, mix e awa, sucu y vinager te ora e sucu desolve full. Pone e komkomber tempera den e liquido pa mas o menos 1 ora y despues saca nan y lora nan rondo

Gel di pineapple
500 grams juice di pineapple
8 grams agar agar (gelatine a base di seaweed)

Pone e pineapple juice y e agar agar den un weya y pone herbe. Laga e scuma lanta y wisk e y bahe di candela pa e baha back, ripiti esaki 2 biaha mas.
Stort den un baki y pone fria den frigidaire te ora e bira full mane un gelatine.
Corta e gelatine di pine apple den bloki y blend e te ora e bira un gel liquido (smeerbaar)

Decoration (optional)
Chips di paprika
Wedge di yellow beet, cushina
Micro green di cilantro

Plateo
Pone 3 slice di ham di pork tenderloin banda rechts di e tayo, riba dje un tiki di e sauce di cherry y pineapple, pone un quenelle di e compote di pine apple riba dje.
Na banda links pone un quenelle di e salada di batata. Rond di e ham pone paar di dots di e gel di

pineapple.

Decore cu chips di paprika riba e ham, wedge nan di e yellow beets contra e batata y blatji nan di e micro green di cilantro riba e ham.

***por remplasa e yellow beets cu red beets