Vera-Elise Backmeyer – desde 4 aña namora na deporte

Un simpel bista riba e hobencita Vera-Elise Backmeyer su fisico y mesora bo ta wak cu apesar di su 11 aña apenas, e mester por ta un mucha cu ta haci hopi deporte. Mientras cu el a cuminsa landamento cu 4 aña, desde su 8 aña e ta competi den landamento y cu 9 aña el a cuminsa participa caba den competencianan di Aquathlon, un combinacion di core landa core.

Kico ta pone un mucha muher asina jong fascina su mes asina intensamente cu deporte te yega na tin soñonan grandi caba pa participa na olimpiada den su bida? “Loke mi ta gusta di e sport aki of di e deportenan cu mi ta practica ta e adrenalina cu bo ta haya ora cu bo tin cu competi y e sentimiento dushi ora bo ta practicando e deportenan cu otro muchanan tambe”, Vera-Elise ta splica. Banda di core y landa, recien el a cuminsa practica cu bicicleta pa por ta mas competitivo y haci e switch pa finalmente e deporte cu e lo kier practica cual ta Triathlon. Kico ta loke e ta gusta den haci deporte?

Fisicamente y mentalmente e ta hacibo “stronger” Mi gusta e feeling despues cu bo ta ‘go all out’ den training, bo ta sinti cansa pero paden bo ta sinti fulfilled paso bo sa cu bo a haci bo best y bo sa cu cada training bo ta improving bo mes pa bira mihor. Su mayornan ta bisa cu e ta un mucha cu semper ta para cla pa haci su deporte. Vera-Elise a participa na e kids splash and dash di e Aruba Challenge cual tabata un Aquathlon race.

“Berdad ta cu mi no a echt prepara di e bon ey pa e competencia aki como cu mi concentracion tabata mas riba landamento como cu prome cu esey tabatin e Aruba Dolphins Invitationals cual ta un competencia grandi unda tin basta athleta internacional ta bin Aruba pa participa. Dus p’ami presteer bon den esey mi ta baha mi cantidad y distancia di coremento cual a haci cumi mester a echt concentra mentalmente y medita prome cu e ‘challenge’ pa toch haci un bon presentacion di cual toch mi ta satisfecho cu e resultado. Vera-Elise ta realisa cu e cosnan positivo cu deporte tin den su bida ta multiple. ‘E ta saludabel, e ta mantenebo enfoca mentalmente y fisicamente e ta hacibo mas fuerte.

“Mi no a conta tur e competencianan cu mi a competi na dje como cu mi ta competi tanto den landamento, coremento y den aquathlon y awor ta preparando mi mes pa bay competo tambe den triathlon. Mi lo desea di por participa aki na Aruba na tur competencia nacional y kizas tambe internacional. Aña pasa mi a competi na Santo Domingo na NACO cu landamento cu mi club Aruba Dolphins unda nos a sa di gana di 3 lugar di e clubnan cu mas punto”. E ta haci deporte tambe cu ambos di su rumannan grandi, Eva-Luna ta core y ta train tambe hunto cune. Ian-Zion tambe ta haci deporte y ta competi caba den e deporte di landamento y ta landa den e mesun club di natacion cu Vera-Elise y ta practica e deporte di gymnastic tambe.

Tur competencia tin e parti victorioso y esun di no logra. Vera-Elise ta compronde e parti aki hopi bon apesar di su 11 aña apenas. “Ora mi gana e ta lagami sinti bon aunke ora mi perde mi por sinti un tiki desapunta. Pero toch e ora ey ta bon pa mi siña kico por a bay fout y uza esey como algo positivo pa mi prepara y ‘move on’ pa mi siguiente careda”.

Mi ta kere Olimpics ta soño di tur atleta cu ta serio cu nan deporte dus di mi tambe pero mientras tanto ‘i will have fun doing what I love and try to improve everyday”.

“Hangout with my friends and my family”.

No keda sinta na cas tras di tablet y television pero sali ‘have fun doing some sport u like’.

Vera-Elise ta hopi conciente di cuanto su materialnan ta costa pa e por hacie deportenan cu e kier practica dus di chikito nos a bin ta hacie resposabel pa su materialnan y pa e cuidanan. Te cu awor ta nos mes ta cubriendo tur e gastonan pa cu su deportenan pero Vera-Elise no ta bayendo mucho afor ainda dus esey ta haci un diferencia.

Manteniendo un mucha haciendo deporte y lage have fun cu esaki ta haci cu e mucha lo desaroya fysicamente y mentalmente mas fuerte nan ta siña hopi tambe con pa deal cu desapunto haciendo deporte. Haciendo deporte lo mantene e muchanan mas saludabel tambe.

• Edad: 11
• Scol: SKOL PRIMARIO KUDAWECHA
• Hobby: Spending time with my friends
• Top 3 deporte preferi: Swimming, Running, Cycling
• Idolo den deporte local & internacional: Local- Renze Postma, y Internacional ta Andy Potts.