Mi mayornan ta di Aruba y mi a lanta den un cas c’un ruman homber mas grandi. Mi recuerdonan di infancia ta di mi hungando pafor, den mondi, trahando casnan di palo den mata, algo cu ya no ta pasa den hopi famia mas. Tabata un infancia hopi dushi y unico”.
Mi a bay Hulanda pa studia International Business and Marketing. Eynan mi a haya e oportunidad pa traha na Zara unda mi tabata maneha e tienda loke a dunami hopi experiencia den e parti di maneho y mundo di moda. Ora mi a bolbe Aruba mi a habri e tienda di Victoria Secret, pues mi a keda den e mesun ramo di moda.
Musica tabata semper un pasion dimi pues ora e oportunidad pa traha na radio a presenta, mi a tume. Realmente ami no a pensa di cuminsa traha na Radio, basicamente ta Massive a escohemi y asina The BallerApproved Show a cuminsa. Basicamente mi ta purba cu mi programa di empower tur hende, di muchanan hoben pa muher y hombernan via musica, paso musica ta bida. Haciendo e trabou aki a habri hopi portanan p’ami. Awendia mi ta haci tur esey, dus dj, moda…’this black girl do allot”.
