Ya ta un poco mas cu 2 luna cu e informacion cu Drive In lo habri bek a cuminsa circula. Awe mainta nos artista local Jeon a confirma e fecha pa e apertura oficial cu lo bira un evento riba sumes c’un concierto di celebracion. Orario ta poni pa 6:30 te cu 10or di anochi y prijs pa auto lo ta 35 florin. Jeon lo ta c’un artista sorpresa invita y lo tin diferente DJ’s tambe presente, coordina pa e cas di produccion Elite. Entrada genera lo keda dona na fundacion pa nos comunidad y fundacion pa hende muher den dificultad.
Drive In a sera su portanan na 2009 pero awor cu e crisis di Covid-19, a presenta un situashon perfecto cu e regla di distanciamento social, pa un forma nobo di bay mira pelicula manera antes na Aruba. Despues di 11 aña di no ta funciona, e noticia di su apertura a crea hopi anticipacion den e comunidad di Aruba. E reconstruccion a bay hopi liher y awor Drive In ta cla pa su gran apertura.
