Ghislaine Maxwell, amiga di e deshonra Jeffrey Epstein, a keda aresta awe na New Hampshire, casi un aña despues cu Epstein a mata su mes. E cargonan criminal ta di operacion di sex-trafficking, igual na loke a acusa Epstein di dje inicialmente. Den e cargonan ta referi na sospecho di abuso di un cantidad di hobennan menor di edad. Entrenan tin un di 14 aña, kendenan tabata obliga na duna Epstein masahenan mientras nan tabata sunu of topless y termina den actonan sexual. Actonan aki lo a tuma lugar na e.o. e mansion di Epstein na Manhattan, su residencia na Palm Beach-Florida y otro lugarnan entre 2002 y 2005.
Ghislaine Maxwell, un confidente y amiga di hopi tempo di Epstein ta acusa den casonan civil di lo ta e persona cu tabata busca y regla e encuentronan aki, pa Epstein su satisfaccion sexual cu promesanan di paga pa educacion di e victimanan. Maxwell ta yiu di e magnate editorial Britanico Robert Maxwell.
